عدد المواضيع : 188تاريخ الميلاد : 02/08/1993العمر : 30sms : when you call on me when I hear your breath I get wings to fly I feel that I
am alive : تاريخ التسجيل : 10/06/2008
موضوع: بوقالات .........مي غير للتسلية ما ديروش عليها الإثنين 09 فبراير 2009, 10:14 am
بوقالات
هده بوقالات من قلب الجزائر الى جميع الأعضاء كل واحد يدخل يختار واحدة
ان شاء الله تكون فال خير عليه
باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت...
هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.
وحكمتكم : بئس الطعام الحرام ...
باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت...
لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.
و حكمتكم :تجنب شؤم الهزل ، و نكد المزاح.
...
باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...
طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .
و حكمتكم : ثمرة العلوم العمل بالمعلوم.
باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
و حكمتكم : جد بالكثير ، واقنع بالقليل
باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...
مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .
و حكمتكم : الحازم من كتم سرّه
باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت..
يما يما ديريلي تويقة في وسط الحديقة باش نشوف زهرى كي تجيبو ذيك الوريقة.
و حكمتكم : الخَرَسْ خير من الكذب .
باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..
ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .
و حكمتكم : دُل على الجميل بجميل خلالك
باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...
عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.
ربما أراد الأحمق نفعك فضرّك
باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت...
الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.
وحكمتكم : زين النّطق الصّدق .
باسم الله بديت ..و على النبي صليت ...وعلى أصحاب الأسماء ألي تبدأ بالسين هذى البوقالة نويت...
خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
و حكمتكم : سرور الدنيا كأحلام النائم .
باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت...
الناس تنده بالرجال و الوالي ، وانا ننده بربي العالي .
وحكمتكم : الشكاية سلاح الضعفاء .
باسم الله بديت ..و على النبي صليت ...وعلى أصحاب الأسماء ألي تبدأ بالصاد هذى البوقالة نويت...
حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.
و حكمتكم : صداقة الجاهل تعب .
باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت...
كلام على كلام و الكلام على سقيلة ، العين في العين و الدّعوة مقبولة.
و حكمتكم : ضالة الكريم حسن الثّناء.
باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت...
يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .
و حكمتكم : طوبي لمن شغله عيبه عن عيوب الناس
باسم الله بديت ..و على النبي صليت ...وعلى أصحاب الأسماء ألي تبدأ بالظاء هذى البوقالة نويت...
محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .
ظلم الضعيف أفحش ظلم
باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...
لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .
وحكمتكم : العين بريد القلب .
باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت...
قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.
و حكمتكم : الغفلة غرور.
باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...
جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .
وحكمتكم : الفقه جيش لا يهزم ...
باسم الله بديت ..و على النبي صليت ...وعلى أصحاب الأسماء ألي تبدأ بالقاف هذى البوقالة نويت...
جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.
وحكمتكم : القريب من قَرُبَ نفعه.
باسم الله بديت ..و على النبي صليت ...وعلى أصحاب الأسماء ألي تبدأ بالكاف هذى البوقالة نويت...
امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .
وحكمتكم: كرام الناس أسرعهم مودّة.
باسم الله بديت ..و على النبي صليت ...وعلى أصحاب الأسماء ألي تبدأ باللام هذى البوقالة نويت...
نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.
وحكمتكم : لين الكلام قيد القلوب.
باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...
سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .
و حكمتكم : المشقة كلها في تأديب الجاهل .
...
باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...
خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .
و حكمتكم : النفس مولعة بحب العاجل .
باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...
خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.
وحكمتكم : هيهات من نصيحة عدوّ.
باسم الله بديت ..و على النبي صليت ...وعلى أصحاب الأسماء ألي تبدأ بالواو هذى البوقالة نويت...
دارنا في الجبل ، مقابلة مكة ، مفتاحها من ذهب ، يشعل ما يطفي .
وحكمتكم : الوحدة خير من جليس السّوء
يلا لا تحرمونا من مشاركاتكم و نتمنى تعجبك البوقالات بالاكم اديرو عليها غير للتسلية هادا ماكان
xxxxxxx
عدد المواضيع : 341تاريخ الميلاد : 07/02/1994العمر : 30sms : تاريخ التسجيل : 14/03/2008
موضوع: رد: بوقالات .........مي غير للتسلية ما ديروش عليها الخميس 12 فبراير 2009, 9:54 am
عدد المواضيع : 188تاريخ الميلاد : 02/08/1993العمر : 30sms : when you call on me when I hear your breath I get wings to fly I feel that I
am alive : تاريخ التسجيل : 10/06/2008
موضوع: رد: بوقالات .........مي غير للتسلية ما ديروش عليها السبت 14 فبراير 2009, 9:06 am
je vous ompris iman et asma et pour toi manal ma yselmekch hhhhhhhh
بنت الصحراء
عدد المواضيع : 14تاريخ الميلاد : 26/12/1993العمر : 30sms :
: تاريخ التسجيل : 15/02/2009
موضوع: رد: بوقالات .........مي غير للتسلية ما ديروش عليها الأحد 01 مارس 2009, 5:05 am
يعطيك الخير انشاء الله
dj.sofianeforyou
عدد المواضيع : 6تاريخ الميلاد : 11/02/1991العمر : 33sms :
: تاريخ التسجيل : 07/03/2009
موضوع: رد: بوقالات .........مي غير للتسلية ما ديروش عليها الخميس 12 مارس 2009, 12:08 pm
]السلام على الجميع
nani19
عدد المواضيع : 249تاريخ الميلاد : 19/04/1996العمر : 28sms : استطيع أن احب جميع الناس
ولكن لا استطيع أن اجبرهم على أن يحبوني
استطيع أن اصفح وأن انسى
ولكن لا استطيع أن اجبر أحد على مسا محتي
استطيع أن اثور انفجر واغضب ببساطة
ولكن لا استطيع أن امسك بأعصابي ببساطة
استطيع أن احلم كيفما اشاء ومتى اشاء
ولكن لا استطيع أن احقق أحلامي من دون عناء ومتى اشاء
استطيع أن ارتقي إلى قمة المجد والشهرة بسهولة
ولكن لا استطيع أن احافظ على نفس مستواي بنفس السهولة
استطيع أن امنع نفسي من الفرح والسرور
ولكن لا استطيع أن امنع نفسي من الحزن والألم
استطيع أن اكون حريصاً حذراً من جور الأيام والغدر
ولكن لا استطيع أيضا أن اسلم دائماً فلا ينفع الحذر مع القدر
هنالك أفعال كثيرة استطيع أن اقوم بها
وهنالك أيضا أفعال لا استطيع أن اقوم بها
وذلك لسبب بسيط جداً
هو لأنـني
°•.♥.•° فـ ـ ـ ـي الـ ـنـ ـ هـ ـايـ ـه انـ ـسـ ـان °•.♥.•°
: تاريخ التسجيل : 11/03/2009
موضوع: رد: بوقالات .........مي غير للتسلية ما ديروش عليها الجمعة 13 مارس 2009, 8:39 am
بالاكم اديرو عليها غير للتسلية هادا ماكان 
